PRO PACIENTIT Synon mbrojtjen dhe promovimin e të drejtave të pacientëve
Duke patur parasysh se nga radhët e personelit mjekësor u shënuan dy humbje jete dhe u infektuan edhe infermierë të tjerë, dhe nëse spitalet janë vatra infeksioni, Manastirliu u shpreh se është një fakt që ndodh rutinë në gjithë spitalet e botës.
Sipas saj spitalet janë vende me ekspozim të lartë ndaj infeksionit por nuk pranoi që QSUT të jetë një vatër infeksioni si për mjekët edhe për pacientët.
“Nuk mund të them se spitali është vatër e shpërndarjes së infeksionit, nuk e pranoj këtë. Ka pasur një infeksion nozokomial në QSUT i cili është izoluar në kohë falë hetimit epidemiologjik dhe masave kundër infeksioneve spitalore që janë marrë në kohë reale falë protokolleve që ekzistojnë.
Është një fenomen që ka ndodhur dhe ndodh rutinë, edhe dje në Londër është mbyllur një spital i cili kishte 70 staf të cili ishin prekur dhe u mbyll gjithë shërbimi i emergjencës. Ne e kemi ndërprerë zinxhirin e infeksionit por mos harroni se spitalet janë vende me ekspozim të lartë ndaj infeksionit.
Për raste të dyshuar për covid ne menjëherë i bëjmë tamponin. Kemi patur në vëmendje të posaçme personelin shëndetësor, ju e dini se ne kemi futur testin e serologjisë për personelin që ata të jenë të mbrojtur”./abcnews.al