Raporti i OBSH / 1 në 10 produkte mjekësore është nën standard ose i falsifikuar

Të paktën 1 nga çdo 10 produkte medicinale që qarkullojnë në vendet me të ardhura të ulëta ose të mesme, janë nën standard ose të falsifikuara. Ky është rezultati i hulumtimit të publikuar së fundmi nga Organizata Botërore e Shëndetësisë (OBSH).

Ky rezultat sipas OBSH do të thotë se njerëzit po marrin ilaçe që nuk arrijnë të trajtojnë ose parandalojnë sëmundjet. Jo vetëm që kjo është një humbje parash për individët dhe sistemet shëndetësore që blejnë këto produkte thotë OBSH, por produktet mjekësore të rëndomta ose të falsifikuara mund të shkaktojnë sëmundje serioze, të cilat mund të çojnë në fatalitet.

“Barnat jo cilësore dhe të falsifikuara prekin veçanërisht komunitetet me të ardhura të ulëta apo të mesme,” thotë Dr Tedros Adhanom Ghebreyesus, Drejtori i Përgjithshëm i OBSH-së.

“Imagjinoni një nënë që heq dorë nga ushqimi ose nevoja të tjera bazë për të paguar për trajtimin e fëmijës së saj, duke mos ditur që barnat janë të falsifikuara dhe pastaj ai trajtim ndikon negativisht tek fëmija. Kjo është e papranueshme. Vendet kanë rënë dakord mbi masat në nivel global – është koha për t’i përkthyer ato në veprime të prekshme. ”

Që nga viti 2013, OBSH ka marrë 1500 raporte për rastet e produkteve të papërshtatshme ose të falsifikuara. Nga këto, antimalarialet dhe antibiotikët janë më të zakonshmet. Shumica e raporteve (42%) vijnë nga rajoni afrikan, 21% nga rajoni Amerikan dhe 21% nga rajoni Europian i OBSH-së.

“Shumë prej këtyre produkteve, si antibiotikët, janë jetike për mbijetesën dhe mirëqenien e njerëzve”, thotë Dr Mariângela Simão, ndihmës drejtore e Përgjithshme për Qasjen në Barna, Vaksina dhe Farmaceutikë në OBSH.

“Barnat substanciale apo të falsifikuara jo vetëm që kanë një ndikim tragjik tek pacientët individualë dhe familjet e tyre, por gjithashtu janë një kërcënim për rezistencën antimikrobike, duke shtuar trendin shqetësues të ilaçeve që humbasin fuqinë e tyre për të trajtuar”, thotë Simão.

Para vitit 2013, nuk kishte raportim global për këtë informacion. Meqenëse OBSH-ja ka themeluar Sistemin Global të Mbikqyrjes dhe Monitorimit për produkte të papërshtatshme dhe të falsifikuara, shumë vende tani janë aktive në raportimin e barnave të dyshimta, vaksinave dhe pajisjeve medicinale.

Studimi i publikuar nga OBSH është bazuar në përmbajtjen e 100 dokumenteve kërkimore mbi sondazhet e cilësisë së mjekësisë të bëra në 88 vende me të ardhura të ulëta e të mesme, ku përfshiheshin 48 000 mostra të barnave.
Produktet medicinale nënstandarde arrijnë tek pacientët kur mjetet dhe kapacitetet teknike për të zbatuar standardet e cilësisë në prodhim, furnizim dhe shpërndarje janë të kufizuara. Produktet e falsifikuara, nga ana tjetër, kanë tendencë të qarkullojnë aty ku rregullimi dhe qeverisja e papërshtatshme përbëhen nga praktika joetike nga tregtarët me shumicë, shpërndarësit, shitësit dhe punonjësit e kujdesit shëndetësor raporton OBSH.

Përshtati: E.S./Pro Pacientit