PRO PACIENTIT Synon mbrojtjen dhe promovimin e të drejtave të pacientëve

Kreu
Rreth Nesh
Lajme
Raportime
Aktivitete
Semundje A-Z
Baza Ligjore
Kontakt

Shoqatat e Pacienteve

Ja si të planifikoni një konsultë në Qendra Spitalore Universitare “Nënë Tereza”

Ju mund të merrni shërbime mjekësore ambulatore pranë Qendrës së Konsultave Ambulatore (QKA) në QSUNT Çdo ditë nga E Hëna në të Premte në orarin 7.00-16:00

ORARI I KONSULTAVE NË QKA 10:00 – 14:00

ORARI I ANALIZAVE 8:00 – 11.00

SI TË REZERVONI KONSULTËN TUAJ:

Mënyra e Parë: NËPËRMJET SISTEMIT E-REFERIM Paraqituni fillimisht te Mjeku i Familjes i Qendrës suaj Shëndetësore, i cili nëse duhet ju orienton te Mjeku Specialist i rrethit. Më pas ky Mjek Specialist, nëse e vlerëson të nevojshme, ju pajis me Rekomandimin për të kryer Konsultën e Specializuar pranë Qendrës së Konsultave Ambulatore në QSUNT.

Mënyra e Dytë: PARAQITUNI DIREKT në Zyrën e Informacionit pranë Qendrës së Konsultave Ambulatore. Kjo mënyrë rekomandohet për marrjen e një shërbimi nga pacientët kronikë, ku sapo të mbarojnë konsultën me mjekun specialist në QSUNT, mund të prenotojnë konsultën pasardhëse në Zyrën e Informacionit, që ndodhet në Katin e parë të Qendrës së Konsultave Ambulatore, me hyrje anësore.

PACIENTËT QË PARAQITEN PËR KONSULTËN NË QKA, DUHET TË KENË ME VETE KËTO DOKUMENTA:

Kartën e Identitetit

Rekomandimin e Mjekut Specialist të rrethit, me të gjitha informacionet mjekësore të lidhura me sëmundjen, rezultatet e egzaminimeve të kryera, mjekimet e përdorura, sëmundjet shoqëruese, etj..

Ky Rekomandim duhet të përmbajë gjithashtu:

Vulën e Mjekut Specialist të Poliklinikës apo Spitalit të rrethit.

Vulën e Qendrës Shëndetësore

Vulën e Spitalit Rajonal (për rrethet).

P.S Nëse Qendra Shëndetësore nga vjen pacienti, nuk ka Mjek Specialist për shërbimin e kërkuar, kjo duhet specifikuar në Rekomandim nga Mjeku i Familjes shoqëruar me vulën e Mjekut të Familjes.

Rekomandimi i Brendshëm dhe Fletëdalja (Epikriza e Daljes nga QSUNT) janë dokumenta që i japin të drejtën pacientit që ka qënë së fundmi i shtruar në QSUNT për të kryer rikontrollin e parë në Qendrën e Konsultave Ambulatore, pa qenë nevoja e marrjes së Rekomandimit te Mjeku Specialist i rrethit.

Kodin e E-Referimit të marrë nga Mjeku i Qendrës Shëndetësore apo në Zyrën e Informacionit të Qendrës së Konsultave Ambulatore. Ky kod me 3 gërma dhe 2 numra (shembull E7B4C) ka të përcaktuar datën dhe orarin e Konsultës.

Përgjigjet e të gjitha ekzaminimeve të kryera paraprakisht në rrethin apo Qendrën Shëndetësore përkatëse.

Verifikimi nëse Pacienti është i siguruar me Kartën e Shëndetit bëhet online nëpërmjet Portalit e-Albania.

PACIENTËT QË PARAQITEN NË QKA PËR KONSULTË PËR MARRJEN E ILAÇEVE TË RIMBURSUESHME, DUHET TË KENË ME VETE KËTO DOKUMENTA:

Kodin e E-Referimit për shërbimin përkatës, në të cilin është përcaktuar data dhe orari i konsultës.

Rekomandimin e Mjekut Specialist të Qendrës Shëndetësore apo Spitalit Rajonal të rrethit (Rekomandimi duhet të përmbajë vulën e Mjekut Specialist dhe vulën e Qendrës Shëndetësore )

P.S Kur specialisti mungon të specifikohet në rekomandim që mungon mjeku specialist)

Setin e ekzaminimeve të kryera paraprakisht në rrethin përkatës.

Kujdes! Nëse pacienti e ka të pamundur nga ana shëndetësore për tu paraqitur vetë në konsultë, kjo pamundësi duhet të shprehet në Rekomandim nga mjeku specialist shoqëruar me vulën e mjekut specialist dhe në vend të tij paraqitet familjari i autorizuar.

Pas konsultës me mjekun në QSUNT, pacienti pajiset me recetën për ilaçet e rimbursueshme me vulën e mjekut të QSUNT-s dhe vulën e Qendrës të Konsultave Ambulatore si hapi përmbyllës i konsultës.

Kur pacientit i rekomandohet një Bar i Listës së Barnave që Rimbursohen nga FSDKSH drejtohet tek Mjeku i Familjes në QENDRËN SHËNDETËSORE të rrethit e më pas në Farmacitë që kanë kontratë me FSDKSH për tërheqjen e ilaçeve të rimbursueshme.

PACIENTËT QË MARRIN ILAÇE NGA LISTA E BARNAVE TË RIMBURSUESHME SPITALORE PRANË FARMACISË SË RIMBURSIMIT NË QKA, DUHET TË:

Kenë bërë më parë konsultën me mjekun specialist të QSUNT dhe ai ju jep recetën elektronike të gjeneruar nga sistemi e-barna.

Me këtë recetë pacienti paraqitet pranë zyrës së DAPSHET (Drejtoria e Administrimit të Paketave Shëndetësore dhe Egzaminimeve Terciare) pranë QKA, të cilët bëjnë verifikimet e duhura dhe e vulosin atë.

Më pas pacienti paraqitet në Farmacinë e Barnave të Rimbursueshme së bashku me kartën e identitetit për të marrë barin e përshkruar në recetën e rimbursimit.

PACIENTËT QË REFEROHEN PËR SHTRIM NË QSUNT:

Kur pacientëve që bëjnë konsultë pranë QKA, mjeku konsulent ju rekomandon shtrim në QSUNT, ata duhet të pajisen me RECETËN AMBULATORE (RECETA E KUQE), në të cilën infermierja ka shënuar edhe datën e shtrimit të planifikuar. Nëse pacientit i rekomandohet një ndërhyrje operatore, ai duhet të kryejë edhe konsultën me mjekun anestezist. Data e shtrimit do tju komunikohet nga sekretaria e Shërbimit ku pacienti do të shtrohet pasi të vendoset në mbledhjen me Shefin e Shërbimit.

Në ditën kur është caktuar shtrimi, prej orës 8.00-9.30, pacientët duhet të paraqiten për kryerjen e procedurave të hapjes së Kartelës së Shtrimit, në spitalin e caktuar, me dokumentacionin përkatës:

Kartën e Identitetit.

Rekomandimin e brendshëm të marrë në QKA,

Recetën Ambulatore (Recetën e Kuqe të lëshuar nga QKA) ,

Ekzaminimet që ka kryer,

Të jetë përgatitur për shtrim sipas rekomandimeve të mjekut (këshillat rreth ushqyrjes, përgatitjes psikologjike, higjiena personale, përgatitja e traktit tretës kur rekomandohet, etj)

2020-10-30

Blerti Koka

Leave a Reply Cancel reply

Your email address will not be published. Required fields are marked *

Comment

Name *

Email *

Website

0 Fans

Popular
Recent
Comments

“Pamë terror me sy”, gazetarja rrëfen ngjarjen e tmerrshme në Spitalin e Tiranës
July 7, 2017
Denoncim: Lagështirë dhe myk në Klinikën Stomatologjike Universitare, QSUT
March 11, 2017
Skandal te Neurologjia/ Mjeku pacientit: Nuk ta bëj rezonancën pa 150 mijë lekë
May 31, 2017
Mbetjet spitalore në spitalin e Fierit, jashtë kontrollit. Edhe në tualetet e pacientëve!
April 17, 2017
A ekzistojnë firmat e mirëmbajtjes së aparaturave mjekësore?!
March 20, 2017

OECD konfirmon: Shqipëria me shpenzimet më të ulëta shëndetësore për frymë në rajon dhe Europë
March 30, 2026
Probleme serioze në furnizimin me barna të QSUT – Në 5 vite gjysma e ilaçeve antitumorale nuk janë importuar asnjëherë
February 13, 2026
Shqipëria, regres në perceptimin e korrupsionit dhe sinjale alarmi për drejtësinë
February 10, 2026
Raporti: 9 në 10 qytetarë pre e dezinformimit shëndetësor! Vetë-diangostikimi dhe vetë-trajtimi me AI po rrezikon shëndetin e qytetarëve
January 23, 2026
Progres raporti i KE: Shqipëria me nivelin më të lartë në Europë të pagesave nga xhepi për shëndetin
November 7, 2025

Lili: Keta doktore duhet te futen ne burg dhe tu hiqet e drejta si...
Lili: Per te qare...
Ebrieta: Natyrisht! Gjithashtu, sepse drejtori i QKUM nuk është i shq...
besmira lami: provimi shtetit infermieri...
Ogerta: Eshte gatuar cdo gje ne kuzhinen Manastrliu. Kuzhiniere: Oge...

Find us on Facebook

Ndiqni kanalin tone

Featured Video

Remember Me

Lost your password?

Përshkrim

Të gjitha shoqatat e pacientëve të cilat kanë të njëjtat synime e objektiva dhe që dëshirojnë t’i bashkohen këtij rrjeti janë të mirëpritura të na kontaktojnë në adresën tonë: propacientit@gmail.com.

Artikujt e fundit

OECD konfirmon: Shqipëria me shpenzimet më të ulëta shëndetësore për frymë në rajon dhe Europë
March 30, 2026

Komentet e Fundit

Lili: Keta doktore duhet te futen ne burg dhe tu hiqet e drejta si...

Kontakt

Telefon: 044817266

E-mail: propacientit@gmail.com

FB: Në sytë e pacientit

Kjo faqe u mundësua nga shoqata "Together for Life" | Copyright @ 2017