Fëmijët me sëmundje gjaku, në vështirësi për gjak, prindërit: Vijmë 3 herë në muaj, kemi paguar transport deri në 150 mijë lekë (të vjetra)

Një ndër sëmundjet e gjakut është edhe Drepanocitoza (SICKLE CELL ANEMIA) e cila është anemi me qelizat e kuqe të gjakut jonormale (si drapër) në dallim nga ato normale në formë disku bikonkav. Kjo formë jonormale e eritrociteve vjen nga ekzistenca e një hemoglobine defektoze e quajtur hemoglobina S. Në gjakun e pacientëve drepanocitar qarkullojnë eritrocite në formë drapri.

Shpëtim për këtë sëmundje është transfuzioni i gjakut ose transplanti i palcës kurrizore, duke qenë që transplanti në vendin tonë nuk është i mundur të bëhet këto pacientë janë të detyruar të bëjnë transfuzion gjaku.

Një ndër këto pacientë është dhe N. Tojalli.  Në një intervistë për Gazetën “Shëndet +” Briseda Tojalli nga Vlora,  nëna e N, tregon kalvarin e vuajtjeve të së bijës. N sot është 11 vjeç dhe ka vetëm një ëndërr që kur të shërohet dhe të rritet të bëhet mjeke pediatre për të shëruar fëmijët. N është një nxënëse e shkëlqyer në mësime.

E ka të trashëguar nga ne, unë dhe bashkëshorti im, ne jemi mbartës të dy. I kemi bërë të gjitha analizat para se të ngelja shtatëzanë  në Vlorë dhe nuk na e nxorën që ishim mbartës.

Kur isha 7 muajsh shkoj në Greqi për të jetuar atje, bëra analizat dhe mjekët më thanë që isha mbartëse por shanset ishin që edhe N të lindte e sëmurë nga kjo sëmundje, nuk donim ta besonin se mund të lindte me sëmundje të gjakut. Pasi lindi në muajin e parë N u detyrua të merrte gjak. Dhe që nga ai moment N ka marrë gjak, po bëhen 11 që ajo bën transfuzion gjaku,- tregon Briseda.

E gjithë jeta e N ka kaluar në spitale, kjo sëmundje bllokon enët e gjakut ku si pasojë shkakton kriza dhe dhimbje.

Në fund të tetorit N ju nënshtrua një ndërhyrje kirurgjikale për gurët në tëmth por, edhe analizat e mëlçisë nuk i dalin mirë kohët e fundit, frika është se mos edhe mëlçia do i dali jashtë funksioni. Këto janë efektet anësore të kësaj sëmundjeje.

Kostoja për të ardhur në Tiranë nga Vlora nuk është e paktë. 3 herë në muaj janë të detyruar që të vijnë në pediatrinë e QSUT-së.

Për të ardhur nga Vlora në Tiranë u  kushton 50 mijë lekë të vjetra, ndërsa në kohën kur vendi ishte në mbyllje totale (karantinë) kanë paguar edhe 100-150 mijë lekë të vjetra që të vinin për të bërë transfuzion gjaku.

Pandemia ka bërë që mungesa e gjakut të jetë problemi kryesor për këto pacientë.

Briseda tregon që ka patur mungesa gjaku, N duhet të marrë 500 ml gjak dhe mund të marrë vetëm 200-250 ml.

Ka patur raste që kemi ardhur nga Vlora dhe jemi kthyer duar bosh pasi  nuk kishte,  kjo  mungesë i shkakton shumë lodhje vajzës. Nuk ka fuqi as të flasë. Kur nuk ka gjak na marrin në telefon që të mos vijmë nga Vlora.

Për ne është shumë e vështirë, unë vetë jam e pa punë, nuk më mbajën për shkak se bëj mungesa nga vajza. Im shoq shkon me tre mujor në Greqi, emigrat por edhe ai nuk ka vajtur më në emigrim se duhet të jetë këtu për vajzën. Kemi marrë borxhe që tja dalim, ilaçet kushtojnë.

Kemi mbërritur në Tiranë në orën 9 dhe jemi akoma në pritje të  gjakut,

Ndër të tjera Briseda thotë që transplanti i palcës kurrizore është i vetmi shpëtim për vajzën e saj.

Ajo bën thirrje që kush të mundet të dhurojë gjak për këta fëmijë e cfila është e vetmja mënyrë për të qëndruar në jetë./ Desara Çela

Leave a Reply

Your email address will not be published. Required fields are marked *

*

Download Premium Magento Themes Free | download premium wordpress themes free | giay nam dep | giay luoi nam | giay nam cong so | giay cao got nu | giay the thao nu