Doni të punësoheni në QSUT? Ja si të aplikoni

Drejtoria e Q.S.U.”Nënë Tereza” ka shpallur 30 vende vakante për pozicionin infermier të përgjithshëm, infermier salle operacioni dhe infermier në reanimacion.

Personat e interesuar duhet të dorëzojnë CV dhe një adresë e-mail ; si dhe dokumentata përkatëse sipas kritereve të mëposhtme:

Kritere të përgjithshme:

• Të jetë diplomuar, minimalisht, në nivelin Bachelor “Infermier”.
• Për diploma në universitetet jashtë Republikës së Shqipërisë, duhet të dorëzohet ekuivalentimi i diplomës, konform Legjislacionit në fuqi.
• Të jetë i/e pajisur me Licencën e Ushtrimit të Profesionit nga “Urdhëri i Infermierit” (të vlefshme).
• Përvojë pune të ngjashme, Specializimet specifike dhe Çertifikatat e aktiviteteve të ndryshme të Edukimit në Vazhdim, përbëjnë kusht preferencial.
• Të njoh minimalisht 1 (një) gjuhë të huaj, preferohet gjuha angleze
• Të punojë me ndershmëri dhe të ketë integritet.
• Të zotëroje aftësi të mira kompjuterike, paketën Microsoft Office,etj..
• Të jetë i komunikueshëm dhe i vëmëndshëm në detyrat që i përcaktohen.
• Të jetë i organizuar, i aftë të punojë në grup dhe nën trysninë e respektimit të afateve.

Kritere të veçanta Infermier në Reanimacion :

• Vlerësimi i gjendjes së pacientit, planifikimi dhe zbatimi i planeve të kujdesit infermieror ndaj pacientit.
• Trajtimi i plagëve dhe sigurimi i suportit të avancuar.
• Asiston / Ndihmon mjekët në kryerjen e procedurave mjekësore.
• Observon dhe regjistron shenjat vitale të pacientëve.
• Siguron që ventilimi, monitorimi dhe llojet e tjera të pajisjeve mjekësore të funksionojnë siç duhet.
• Administron likide dhe medikamente intravenoze.
• Zbaton testet diagnostikuese të deleguar nga mjeku..
• Bashkëpunon ngushtë me anëtarët e tjerë të ekipit.
• Përgjigjet situatave të ruajtjes së jetës, duke përdorur standardet dhe protokollet infermierore.
• Siguron edukim dhe mbështetje për familjarët e pacientëve

Kritere të veçanta Infermier në Sallë Operacioni

• Vlerëson pacientët para operacionit (p.sh. statusi NPO) dhe fasiliton gjendjen e tyre.
• Vlerëson dhe ruan mbajtjen sterile të dhomës operatore.
• Përgatit pacientin për ndërhyrje operatore (faza peri operatore).
• Observon shenjat vitale të pacientit gjatë monitorimit për të zbuluar anomali të ndryshme.
• Vlerëson pacientin në fazat post-operatore.
• Zbaton standardet e sigurisë së pacientit dhe masat paraprake dhe njeh teknikat sterile dhe aseptike.
• Merr dhe delegon detyrat brenda ose jashtë fushës sterile sipas protokolleve infermierore.
• Njeh hollësisht proçedurat e ndërhyrjeve kirurgjikale.

Depozitimi i aplikimeve do të bëhet pranë zyrës së Marrëdhënieve Publikun në Drejtorinë e Q.S.U.”Nënë Tereza”.

Të gjithë kandidatët fitues do të rivlerësohen në fund të kontratës 3(tre) mujore për respektimin e etikës profesionale, përkushtimin njerëzor ndaj pacientëve dhe aftësitë tekniko profesionale të infermierit.

Aplikimet pranohen nga data 07.11.2017 deri më datë 21.11.2017.

Sqarim : Aplikantët do të njoftohen për zhvillimin e fazave të konkursit,

nëpërmjet postës elektronike (e-mail) .